KUNG AALIS SA KILUSAN
ni Gregorio V. Bituin Jr.
10 pantig bawat taludtod
kung ako'y aalis sa kilusan
tiyak may malalim na dahilan
maaaring ako na'y tuliro
dahil kaugnay sa pusong ito
kumilos akong inspirasyon na
ang isang magandang aktibista
di makaalis dahil sa dilag
na sa aking puso'y nagpapitlag
nawa dilag ay mapasaakin
at siya'y aking aasawahin
dalawa kaming magdedesisyon
kung patuloy pa sa aming layon
mahalaga'y magkasama kami
upang sa bukas ay di magsisi
Walang komento:
Mag-post ng isang Komento