ILIGTAS NATIN ANG KALIKASAN
ni Gregorio V. Bituin Jr.
kinakain nati’y mula sa kalikasan
bigas na pag naluto’y kaning malinamnam
iba’t ibang gulay na kaysarap ibulanglang
piritong isdang mula sa ilog at dagat
ano’t hindi natin aalagaan
itong ating likas-yaman
na siyang unang niyuyurakan
ng mga kompanyang dambuhala
tapon sa ilog ang tirang langis
tapon sa langit ang usok na mabangis
pati na usok ng tambutso ng dyip,
bus, trak, motorsiklo’t awtomobil
sino pa ang mangangalaga ng kalikasan
kundi tayo ring kanyang mga anak
kung hindi ngayon, kailan pa
kung hindi tayo, sino ba
sasagipin lang ba ang kalikasan
kapag ito’y tuluyang nasira na?
Walang komento:
Mag-post ng isang Komento