nangingitim na sa usok ang kalangitan
tinadtad na ng kemikal ang kailugan
daigdig natin ay nagtila basurahan
mga lungsod ay punumpuno ng polusyon
mga plantang coal ay nagsusunog ng karbon
dapat sama-sama nating tapusin ngayon
ang pagsira sa kalikasan at sa nasyon
ating labanan ang sinumang mga sutil
na matakaw sa paggamit ng fossil fuel
huwag maging demonyo kundi maging anghel
kaya ating sigaw: Break Free from Fossil Fuel!
nais natin: R.E., renewable energy
let's make this beautiful country fossil fuel free!
- gregbituinjr.
* kumatawan sa Philippine Movement for Climate Justice (PMCJ) at nagbasa ng tula sa Break Free 2017, Renewable Energy Fair and Concert sa Liwasang Aurora, Quezon Memorial Circle, Marso 31, 2017, araw ng Biyernes
Walang komento:
Mag-post ng isang Komento