Bansa'y Sinakop, At Di Kinupkop

BANSA'Y SINAKOP, AT DI KINUPKOP
ni Gregorio V. Bituin Jr.
sonetong 7 pantig bawat taludtod

nang dumatal sa bayan
itong mga dayuhan
akala'y kaibigan
iyon pala'y kalaban

nang dumatal sa bansa
itong mga banyaga
sila pala'y masiba
pagkat kinuha'y lupa

nang sa bansa'y dumatal
ang mga dayong hangal
sila pala'y garapal
sa tubo at kapital

itong bansa'y sinakop
at di pala kinupkop