DAPAT MALUSOG TAYONG TIBAK
ni Gregorio V. Bituin Jr.
9 pantig bawat taludtod
pangalagaan ang katawan
pagkat matagal pa ang laban
mahalaga ang kalusugan
na mabuti sa kahandaan
dapat tayo'y pawang malusog
at sa pagkain laging busog
sa rali man tayo'y mabugbog
ay di basta-basta lulubog
tayo'y nakikibakang sadya
upang sa sistema'y lumaya
at itatayo ang adhika
nating lipunang manggagawa
sa laban, di tayo susuko
dapat malusog tayong hukbo
nang di basta maigugupo
ng sistemang dapat maglaho
Walang komento:
Mag-post ng isang Komento