Sabado, Oktubre 17, 2009

Isang Baldeng Luha

ISANG BALDENG LUHA
ni Gregorio V. Bituin Jr.
13 pantig bawat taludtod

isang baldeng luha ba ang alay mo, mahal
gayong nawala ako'y di naman matagal
buhay kong iwi'y akin nang isinusugal
upang kumita lamang kahit pang-almusal

isang baldeng luha ba'y iyong pasalubong
dahil sa naririnig mong kayraming sumbong

mahal ko, aking sinta, huwag nang lumuha
sa bandang huli tayo ri'y makalalaya
mula sa buhay na dinaanan ng sigwa
at sa kahirapang dapat nating isumpa

ikaw lang naman ang tangi kong minumutya
kaya aking sinta, huwag ka nang lumuha

Walang komento: