ANG BINIBINI SA TAKSI
ni Gregorio V. Bituin Jr.
soneto, 9 pantig
Kaybini't nakabibighani
Ng nakita kong binibini
Kaya ako'y biglang nawili
Na pagmasdan siyang maigi.
Siya'y nakasakay sa taksi
Habang lulan ako ng dyipni
Nang ngitian ko ang mabini
Aba'y ngiti rin yaong ganti!
At tumibok ang pusong ire
Sa kayganda kong binibini
Siya'y nais kong maging kasi
Ngunit nawala na ang taksi.
O, humibik ang pusong saksi
Magkikita pa kaya kami?
Walang komento:
Mag-post ng isang Komento