Minsan, pinatay ko ang telebisyong iyon
Pagkat pulos karahasan ang sinusunson
Animo'y walang magandang palabas doon
Na magsisilbi sanang isang inspirasyon.
Subalit telebisyon ay muling binuhay
Bakasakaling di na nagkalat ang patay
May maganda sanang palabas na matunghay
Na sa puso't diwa'y may inspirasyong taglay.
Muli kong pinatay ang telebisyon dahil
Ang mga palabas ay hinggil sa pagkitil
Ng buhay ng dukhang talagang sinisikil.
Ang mga karapatan nila'y sinusupil.
Ngunit nakababagot, naging mainipin
Walang mahagilap na iba pang gawain
Tinangkang telebisyon ay muling buhayin
Walang kuryente, di nagbayad ng bayarin.
- gregbituinjr.
Walang komento:
Mag-post ng isang Komento