UTOS NG HARI, KAYANG MABALI
ni Gregorio V. Bituin Jr.
5 pantig bawat taludtod
anang kalipi:
"utos ng hari
di mababali"
tunay o hindi?
ngunt maari
itong mabali
kung naduhagi
ang pagkahari
pagkat salapi
nila'y binawi
ng mga pari
na di kalipi
kung mahahati
ang kanyang lahi
pawang pighati
ang bawat hikbi
namumutawi
sa mga labi
dapat mabawi
ang pagkalugi
utos ng hari
kayang mabali
lalo na't lipi
nila ang sawi
kung pagkahari
ay di mabawi
wala nang hari
ang buong lipi
Walang komento:
Mag-post ng isang Komento