PAGBABAGO'Y DAPAT MALASAHAN NG MASA
ni Gregorio V. Bituin Jr.
13 pantig bawat taludtod
umunlad na raw ang bayan, sabi ng gobyerno
habang pinakikita'y kaydaming numero
na tanda raw ng pag-unlad ng bansang ito
ngunit di ramdam ng masa ang pagbabago
ang ramdam ng taumbayan, niloloko sila
ng mga numerong di naman nila dama
lalo't pag nagsalita na'y iyang si Gloria
tiyak agad papatayin ang TV nila
sadyang masa'y kaytagal nang nasisiphayo
sa mga pangakong kay-alat parang toyo
di na aasa sa bagoong ng pangako
ng mga pulitikong kaytamis mang-uto
masa'y nauuyam pag trapo'y nagsalita
pagkat alam na nilang walang mapapala
sa mga trapong kung mangako'y talusira
lasa ng talumpati'y pawang kaypapakla
ang nais ng masa'y totoong pagbabago
hindi mga pangakong simpait ng apdo
ayaw na ng masang sila'y inaadobo
sa kataga ng mga gagong pulitiko
pagbabago'y dapat malasahan ng masa
pagbabagong di simpait ng luha't dusa
kaysarap malasap ng tamis ng hustisya
kaginhawahan sa isang bagong sistema
ni Gregorio V. Bituin Jr.
13 pantig bawat taludtod
umunlad na raw ang bayan, sabi ng gobyerno
habang pinakikita'y kaydaming numero
na tanda raw ng pag-unlad ng bansang ito
ngunit di ramdam ng masa ang pagbabago
ang ramdam ng taumbayan, niloloko sila
ng mga numerong di naman nila dama
lalo't pag nagsalita na'y iyang si Gloria
tiyak agad papatayin ang TV nila
sadyang masa'y kaytagal nang nasisiphayo
sa mga pangakong kay-alat parang toyo
di na aasa sa bagoong ng pangako
ng mga pulitikong kaytamis mang-uto
masa'y nauuyam pag trapo'y nagsalita
pagkat alam na nilang walang mapapala
sa mga trapong kung mangako'y talusira
lasa ng talumpati'y pawang kaypapakla
ang nais ng masa'y totoong pagbabago
hindi mga pangakong simpait ng apdo
ayaw na ng masang sila'y inaadobo
sa kataga ng mga gagong pulitiko
pagbabago'y dapat malasahan ng masa
pagbabagong di simpait ng luha't dusa
kaysarap malasap ng tamis ng hustisya
kaginhawahan sa isang bagong sistema
Walang komento:
Mag-post ng isang Komento