SIMULA NG MARTSA
ni Gregorio V. Bituin Jr.
15 pantig bawat taludtod
di ako nakasama nang magsimula ng martsa
humabol lamang ako nang ikalawang araw na
bumiyahe ako patungo roon nang mag-isa
upang isang organisasyon ay i-representa
kinatawan ako ng Freedom from Debt Coalition
sa Lakad Laban sa Laiban Dam umaga't hapon
tungong Maynila mula Heneral Nakar sa Quezon
kasama'y katutubo't iba pang organisasyon
tingin nila'y kakayanin ko ang mahabang lakad
tingin ko naman ito marahil ang aking palad
tagabalita ng proyektong dapat nang malantad
dahil bundok ay gagawin nitong giba at hubad
isang araw mang nahuli sa mahabang lakaran
basta't nais ay tiyak makakahabol din naman
bukal sa pusong tinanggap kahit ako'y dayo lang
tagalunsod ma'y naging karamay sa kabundukan
* Ang Lakad Laban sa Laiban Dam ay nagsimula sa Gen. Nakar, Quezon patungong Malakanyang mula Nobyembre 4-12, 2009, kung saan kasama ang makata sa mahabang lakarang iyon.
ni Gregorio V. Bituin Jr.
15 pantig bawat taludtod
di ako nakasama nang magsimula ng martsa
humabol lamang ako nang ikalawang araw na
bumiyahe ako patungo roon nang mag-isa
upang isang organisasyon ay i-representa
kinatawan ako ng Freedom from Debt Coalition
sa Lakad Laban sa Laiban Dam umaga't hapon
tungong Maynila mula Heneral Nakar sa Quezon
kasama'y katutubo't iba pang organisasyon
tingin nila'y kakayanin ko ang mahabang lakad
tingin ko naman ito marahil ang aking palad
tagabalita ng proyektong dapat nang malantad
dahil bundok ay gagawin nitong giba at hubad
isang araw mang nahuli sa mahabang lakaran
basta't nais ay tiyak makakahabol din naman
bukal sa pusong tinanggap kahit ako'y dayo lang
tagalunsod ma'y naging karamay sa kabundukan
* Ang Lakad Laban sa Laiban Dam ay nagsimula sa Gen. Nakar, Quezon patungong Malakanyang mula Nobyembre 4-12, 2009, kung saan kasama ang makata sa mahabang lakarang iyon.
Walang komento:
Mag-post ng isang Komento