PAG NALAGAS ANG DAHON
ni Gregorio V. Bituin Jr.
9 pantig, soneto
Sabi'y atas na ng panahon
Pag nalagas na yaong dahon
Tulad din ng mga nagumon
Sa droga't krimen ay nabaon.
Napakarami riyang maton
Na kapwa tao'y hinahamon
Bira dito at bira doon
Ngunit nalugmok din paglaon.
Ang tulad nila'y naibaon
Sa hukay ng mga linggatong
At tulad ng dahong nalugon
Sila ba pa'y makakaahon?
Di na sila makakabangon
Pag nag-atas na ay panahon.
Walang komento:
Mag-post ng isang Komento