Martes, Abril 24, 2018

Si Ella Tenebro, lider-kabataan ng Gulod

Ella Tenebro, magaling na Lider-kabataan
Pangarap niya ang maunlad na kinabukasan
Walang polusyon at malinis na kapaligiran
Para sa kapwa kabataan at sa mamamayan

Paglilingkuran niya ang bayan ng taos-puso
Kabataan sa kahirapan at bisyo'y mahango
Masigasig, kalooban ay matatag at buo
Sa paglilingkod niya'y hindi tayo mabibigo

Sa kanya, kagalingan ng kabataan ang una
Ang karapatan at buhay ng tao'y mahalaga
Pati kalusuga't edukasyon ng bawat isa
Matatag, makatao, tapat na lingkod ng masa

Si Ella Tenebro, lider-kabataan ng Gulod
Sa sambayanan siya'y taos-pusong maglilingkod

(ang tulang ito'y isang sonnet, at may 15 pantig bawat taludtod, o 15 syllables per line; ang tulang ito'y hiniling ng ina ni Ella Tenebro, na dating kasamahan sa kolehiyo; si Ella ay tumatakbo bilang pangulo ng Sangguniang Kabataan o SK sa kanilang lugar sa Novaliches - gregbituinjr.)