SA ISANG MAGANDANG DILAG
sa edad mong iyan, di ka na matandang dalaga
kaya't akong ito'y di na rin matandang binata
tinatanggap natin ang pag-ibig ng isa't isa
nawa'y manahan sa puso ang pagsintang dakila
sa harap man ng suliranin, lungkot o ligaya
ang kaharapin man natin ay pawang dusa't luha
pagsikapan pa rin nating mabuo ang pamilya
at malulutas din anumang dumatal na sigwa
pag nagsilang ka na'y iigting ang pagkakaisa
at isang magandang bukas ang ating ihahanda
- gregbituinjr.
Walang komento:
Mag-post ng isang Komento