Huwebes, Enero 5, 2017

Tinokbang na ang kawawa

itinuloy na ang banta
tinokbang na ang kawawa
umalingawngaw ang tingga
toktok, bang!bang! bumulagta

saksi maging mga pusa
sa pagtimbuwang sa lupa
ng mga biktimang dukha
lupang tigang ay nabasa

dukha na'y inupasala
dangal pa'y binalewala
buhay pa nila'y winala
sa prosesong di na tugma

ang mga ina’y lumuha
at kayraming natulala
kaya ang tanong ng madla
hustisya'y kamtin pa kaya

- gregbituinjr.