Huwebes, Setyembre 29, 2016

Nagdugo ang puso ng bayan

NAGDUGO ANG PUSO NG BAYAN
ni Gregorio V. Bituin Jr.
9 pantig bawat taludtod

nagpapatuloy ang bangayan
nitong mga trapong haragan
laway nila'y nagtilamsikan
sa hamog ng katiwalian
nagdugo ang puso ng bayan

bayan pa kaya'y magtitiis
sa kanilang pagbubungisngis
pulos pait, wala nang tamis
ang dama nitong nagpapawis
dusa'y kailan mapapalis