Huwebes, Agosto 25, 2016

Nagsasaya ang bayan sa maraming patay?

NAGSASAYA ANG BAYAN SA MARAMING PATAY?
ni Gregorio V. Bituin Jr.
15 pantig bawat taludtod

nagsasaya na itong bayan sa maraming patay
habang kayrami na ng katawang pinagbibistay
mga bala na'y nagsipanahan sa laksang bangkay
mga sugapa sa bato'y tuluyang nangahimlay
kultura ng impunidad ba'y umiral nang tunay
sa bayan ng dukhang pagkatao na'y niluluray
nagbabakasakaling sa kanilang pagkamatay
sambayanan na'y papayapa't ligtas na ang buhay