Biyernes, Hulyo 1, 2016

Napakapayak na hiling ng manggagawa

NAPAKAPAYAK NA HILING NG MANGGAGAWA
ni Gregorio V. Bituin Jr.
11 pantig bawat taludtod

gawing regular ang mga kontraktwal
hiling iyan ng mga manggagawa
sa bago nang gobyernong umiiral
upang trabaho nila'y di mawala

iyang kontraktwalisasyon ay salot
pagkat di maregular sa trabaho
walang kasiguraduhan ang dulot
kaya di rin maregular ang sweldo

tiyak maayos nang mapaaandar
ng obrero ang ekonomya ngayon
kung sandaang porsyento na'y regular
at kung wala nang kontraktwalisasyon

obrero'y napakapayak ng hiling
kontraktwalisasyon na'y tanggalin

(ang litrato'y kuha sa DOLE sa unang araw ng administrasyong Duterte)