Huwebes, Marso 10, 2016

Ang bantay sa swimming pool

ANG BANTAY SA SWIMMING POOL
ni Gregorio V. Bituin Jr.
15 pantig bawat taludtod

naroroon ang bantay sa swimming pool, nakatanod
mga bata'y binabantayan upang di malunod
mabuti't may nagbabantay, at di lang nakatanghod
nasasa isip ay kaligtasan, nakalulugod

ang kaligtasan sa tubig ay dapat nasa isip
na sakaling may mangyari'y agad makasasagip
kung may bantay at may nalunod pa rin, di malirip
kung bantay ba'y di alisto o biglang nakaidlip