Miyerkules, Pebrero 24, 2016

Ilublob sa kanal iyang trapo

ILUBLOB SA KANAL IYANG TRAPO

kampanyahan na naman, muli'y nangangako
ang trapong kayraming kulay, kulay hunyango
mga trapo silang salita ang pamato
animo'y walang laman ang kanilang bungo
kundi pulbura, na ang hangad lagi'y tubo

tulad nilang trapo'y dapat lamang ilublob
sa kanal ng kahihiyang nakakubakob
nangangako sila'y wala naman sa loob
dapat ibagsak ng masang sadyang marubdob
na sistema ng trapo'y tuluyang itaob

- gregbituinjr.