ang utos daw ng hari
ay di dapat mabali
salawikaing susi
sa adhikaing mithi
iyo bang nasusuri
sa pagkaapi'y sanhi?
iyo bang mapupuri
ang masunuring lahi?
kung nagkabali-bali
mismong utak ng hari
susundin ba ang mali
basta utos ng hari?
walang dapat maghari
sa mundong inaglahi
ihasik, ipagwagi
ang mabubuting binhi
burgesya, hari’t pari’y
di dapat manatili
lipunang walang uri'y
dapat nang ipagwagi
- gregbituinjr.
Walang komento:
Mag-post ng isang Komento