Sabado, Hulyo 16, 2016

Himutok na naukit sa isang pader sa UP

HIMUTOK NA NAUKIT SA ISANG PADER SA UP
ni Gregorio V. Bituin Jr.
15 pantig bawat taludtod

himutok na naukit sa isang pader sa UP
anito: "patay na kami, wala pang nangyayari?"
kailan magkakahustisya ang mga dinale
masaker sa Maguindanao ay tunay ngang kaytindi
sa limampu't walong pinaslang, sinong nakasaksi
na katotohanan ay buong pusong masasabi
sa babanggaing pader, tiyak mag-aatubili
ang asam na katarungan pa kaya'y maaani
Kuha ng makata sa UP College of Mass Communication

Walang komento: