ITIGIL ANG PAGMIMINA SA ZAMBALES
ni Gregorio V. Bituin Jr.
13 pantig bawat taludtod
ang masa'y nagdurusang labis-labis
dahil sa pagmimina sa Zambales
nawasak ang kalikasang kaylinis
at ang pagkasira'y walang kaparis
pagmimina, itigil, hiyaw nila
tubig at sakahan, apektado na
salot sa bayan iyang pagmimina
winawasak ang buhay, bukas nila
sila ba sa ganito'y magtitiis
kung habambuhay silang mananangis
bagang ng Zambaleño'y nagtatagis
pagmimina'y itigil sa Zambales
Walang komento:
Mag-post ng isang Komento