Biyernes, Marso 11, 2016

Dumudulog ang bulkan

DUMUDULOG ANG BULKAN
ni Gregorio V. Bituin Jr.
15 pantig bawat taludtod

dumudulog ang bulkan upang kumawala
sa kapangyarihang di nito matingkala
nais ibuga ang hinanakit at luha
subalit di magawa't kawawa ang madla

maigi nang sa lunan niya'y manahimik
kaysa bumuga pa ng sangkaterbang lintik
sa aserong init ang galit niya'y hitik
poot na sa mga ganid sana tumalsik

nawa'y pumayapa ang kanyang kalooban
sa poot niya madla'y walang kinalaman
kay Bathala isumbong ang nararamdaman
at kakamtin din ang hangad na kalutasan

Walang komento: