Lunes, Enero 19, 2015

Ang nasasaisip pag nagkakape

ANG NASASAISIP PAG NAGKAKAPE
ni Gregorio V. Bituin Jr.
11 pantig bawat taludtod

ang nasasaisip pag nagkakape
mga trapo'y talagang walang silbi
mga dukha'y parami ng parami
habang trapo'y para lang sa sarili

kapitalismo ang sanhi ng dusa
at kahirapang nagsadlak sa masa
dapat nang kumilos habang maaga
kung di kikilos ngayon, kailan pa

kape'y masarap ngunit di ang buhay
sistema'y inaamag na tinapay
dukha'y kayhaba pa ng paglalakbay
upang kamtin ang asam na tagumpay

di dapat magsulong-urong sa laban
lalo't nasang baguhin ang lipunan