ni Gregorio V. Bituin Jr.
10 pantig bawat taludtod
parang kampana ang mga trapo
pangako doon, pangako dito
sila ba'ng tatangan sa gobyerno?
magsisilbi bang tunay sa tao?
ang mga trapo'y parang kampana
paulit-ulit ang nginangawa
kaya tao'y walang napapala
sa trapong di magsilbi sa madla
ipasesemento ko ang daan
pagagandahin ang kabuhayan
pauunlarin ko ang lipunan
kada elekyon, pangako iyan
kalembang, kalembang, manunuyo
kalembang, masa'y muling sinuyo
kalembang, inulit ang pangako
kalembang, muli itong napako
Walang komento:
Mag-post ng isang Komento