Huwebes, Mayo 15, 2014

Ituring mong sila'y liha

ITURING MONG SILA'Y LIHA
ni Gregorio V. Bituin Jr.
15 pantig bawat taludtod

lagi kang sinasaktan, puso mo'y pinadudugo
sinisiraan ka't pinupulbos ang iyong bungo
pinipiga pati ang kaibuturan mo't puso
lalo na pagkatao mo'y kanilang dinuduro
ganyan kung sirain ka nila't nais kang maglaho

isipin mong sila'y lihang pinakikinis ka lang
kinakayas ang kagaspangan sa iyong katawan
kaibuturan mo'y nililinis nilang mataman
balang araw ay magiging maganda ka nang tingnan
at silang lihang nanira'y wala nang pakinabang