Martes, Mayo 13, 2014

Sa bangin ng pangarap

SA BANGIN NG PANGARAP
ni Gregorio V. Bituin Jr.
6 na pantig bawat taludtod

sariwang pagkain
at sariwang hangin
doon sa may bangin
ng pangarap natin

matutupad kaya
ang iwing adhika
o dulot ay luha
at walang napala

mahal ko, ingat ka
ikaw lang ang nasa
at siyang diyosa
niring puso, sinta

dapat gawing ganap
ginhawa'y malasap
tupdin ang pangarap
na sadyang kay-ilap