Martes, Oktubre 15, 2013

Kaysa maging pasibo sa trapo

KAYSA MAGING PASIBO SA TRAPO
ni Gregorio V. Bituin Jr.
12 pantig bawat taludtod

May taong minsang nagsabi ng ganito:
"Inaangalan ninyo ang gawa ng trapo
Gayong kaya naryan, inyong ibinoto
Kasalanan ninyo't sila ay nanalo."

Mas mabuti nang tayo ay magreklamo
Kaysa bawat isa ay maging pasibo
Mahirap tumunganga na lang sa kanto
Gayong bayan ay ninanakawang todo.