Huwebes, Hulyo 25, 2013

Mas maiging magdusa kaysa mang-api

MAS MAIGING MAGDUSA KAYSA MANG-API
ni Gregorio V. Bituin Jr.
10 pantig bawat taludtod

mas maigi pang kita'y magdusa
kaysa pagmalupitan ang iba
kaysa apihin ang ating kapwa
kaysa kawawain yaong masa
kaysa pagsamantalahan sila

di ka sasaya sa pang-aapi
iniisip mo lang ay sarili
ang ginto't pilak ay walang silbi
kung pagkatao'y di mapakali
sa madla'y berdugo't di bayani