Martes, Abril 2, 2013

Di dapat magmalupit sa kapwa


DI DAPAT MAGMALUPIT SA KAPWA
ni Gregorio V. Bituin Jr.
10  pantig bawat taludtod

di dapat magmalupit sa kapwa
di dapat ang dukha'y minamata
di dapat ang mga walang pera
ay dinudusta ng elitista

maging may pera'y di karapatan
upang ang dukha'y pagmalupitan
yaong nanghamak sa kaninuman
dapat magbayad ng kasalanan

di bale nang tayo ang magdusa
kaysa pagmalupitan ang masa
mabuting kaasalan sa kapwa
ang dapat upang mundo'y sumaya