Huwebes, Hulyo 12, 2012

Kaya Ikaw, John, Magsumikap Ka


KAYA IKAW, JOHN, MAGSUMIKAP KA
ni Gregorio V. Bituin Jr.
10 pantig bawat taludtod

"kaya ikaw, John, magsumikap ka"
mensaheng umalingawngaw noon
sa katapusan ng John en Marsha
nagmulat sa isang henerasyon

John en Marsha ng kabataan ko
komedyang di santuka't sangkahig
habang inaaliw nila tayo
winawalis ang pera sa sahig

"kaya ikaw, John, magsumikap ka"
sermon ni Dely Atay-Atayan
sa pagtatapos ng John en Marsha
pang-aliw ito't aral sa bayan

kaya sa maraming John Puruntong
payo itong sa puso bumaon