SA MGA KABATAANG TIBAK
ni Gregorio V. Bituin Jr.
13 pantig bawat taludtod
kabataan silang tulad ko'y aktibista
bukangliwayway ba'y nababanaag nila
nasa ibang bansa man ay nakikibaka
di bumibitaw sa pinapangarap nila
kalayaan, sisilang din ang bagong araw
pag-asa, sa bawat bukas ay matatanaw
paghahanda, kaharapin man ay balaraw
pangarap, ang minimithi'y di malulusaw
kabataan, magsikap ka't ikaw'y pag-asa
ng bayang nasa ilalim ng diktadura
tulad noon, Pilipinas ay parang Burma
mga kabataan ay nag-oorganisa
kayo ang pag-asa, O, mga kabataan
ng inyong bayang sinadlak sa kadiliman
dalhin ang inyong Burma sa kaliwanagan
hanggang sa lumaya ang buong sambayanan
- Setyembre 18, 2012, sa pagbisita sa tanggapan ng SYSB sa Mae Sot
ni Gregorio V. Bituin Jr.
13 pantig bawat taludtod
kabataan silang tulad ko'y aktibista
bukangliwayway ba'y nababanaag nila
nasa ibang bansa man ay nakikibaka
di bumibitaw sa pinapangarap nila
kalayaan, sisilang din ang bagong araw
pag-asa, sa bawat bukas ay matatanaw
paghahanda, kaharapin man ay balaraw
pangarap, ang minimithi'y di malulusaw
kabataan, magsikap ka't ikaw'y pag-asa
ng bayang nasa ilalim ng diktadura
tulad noon, Pilipinas ay parang Burma
mga kabataan ay nag-oorganisa
kayo ang pag-asa, O, mga kabataan
ng inyong bayang sinadlak sa kadiliman
dalhin ang inyong Burma sa kaliwanagan
hanggang sa lumaya ang buong sambayanan
- Setyembre 18, 2012, sa pagbisita sa tanggapan ng SYSB sa Mae Sot
Walang komento:
Mag-post ng isang Komento