PAGODANG TILA NABAGSAKAN
ni Gregorio V. Bituin Jr.
13 pantig bawat taludtod
tila kaybigat ng dumagan sa pagoda
na nagpagandang lalo sa arkitektura
imbis na tuwid ay baliko ang itsura
pagoda itong dinalaw na pangalawa
ng Sabadong inilaan sa pagbisita
may mongheng tila tanod sa unang palapag
tila sa manggugulo, siya ang uumbag
ngunit payapa doon, dambana’y kayrilag
lalo na roon sa ikalawang palapag
ang kalooban mo’y tiyak mapapanatag
- ikalawang pagodang aming dinalaw, Setyembre 22, 2012, bandang hapon
Walang komento:
Mag-post ng isang Komento