Dinig mo ba ang aking pusong tumitibok-tibok
Ikaw ang hanap sa patag, laot, langit at bundok
Tila ba nais kong sa iyo'y payuka-yukayok
At magkaroon ng kasama sa buhay kong lugmok
Sinisigaw ng puso ko'y ikaw na minumutya
Ramdam kong sa iyo'y lagi akong natutulala
E, bata pa tayo'y patay na patay akong sadya
Panay titig ko sa iyo, sa ganda'y hangang-hanga
Unawain mo, naging bahagi ka ng buhay ko
Yaon man ay noon, pinangarap kitang totoo
Ako sana'y patawarin mo sa sinabing ito
Noon pa sana'y niligawan na kita ng todo.
- gregbituinjr.
