Lunes, Mayo 24, 2010

Pahimakas kay Alex Boncayao

PAHIMAKAS KAY ALEX BONCAYAO
ni Gregorio V. Bituin Jr.
12 pantig bawat taludtod

Nagpapatuloy pa ang pakikibaka
Ng maraming api sa gabi at araw.
Sa tinig sa ilang ng luha at dusa
Ang ngalan mo'y tila umaalingawngaw.

Kasama mo noon si Ninoy Aquino
Kandidato kayo sa partidong Laban
At tumakbo kontra pasistang gobyerno
Upang ang bayang api’y mapaglingkuran.

At nang matapos nang ganap ang eleksyon
Ay pumalaot ka tungong kanayunan
Sumama ka na doon sa rebolusyon
Ang masa'y kapiling at pinagsilbihan.

Prinsipyo’y matatag, hindi nadudungo
Magiting kang lider ng masa't obrero
Ngunit pinaslang ka ng pasistang punglo
Kaytindi ng iyong isinakripisyo.

Kaya nang mapaslang ka’y naging imortal
Sa ngalan mo’y natatag isang brigada
Misyo’y durugin kapitalistang hangal
Na sa manggagawa’y nagsasamantala.

Ang ngalan mo yaong umaalingawngaw
Sa dakong iyon ng bulok na sistema
Bayani kang tunay, Ka Alex Boncayao
Tulad mong obrero'y tunay na pag-asa.

Mga pinaghalawan ng tula:

http://en.wikipedia.org/wiki/Lakas_ng_Bayan
(a) Third in the list of 21 Candidates - 1978 Interim Batasang Pambansa

http://www.hartford-hwp.com/archives/54a/183.html
(a) 6th paragraph - Among the Laban candidates were Benigno "Ninoy" Aquino Jr., Aquilino Pimentel Jr., Charito Planas and Alex Boncayao.
(b) 9th paragraph - In the post-election crackdown, the Laban candidates dispersed. Pimentel hied back to his native Cagayan de Oro. Planas fled to the United States. Boncayao went to the countryside, where revolutionary martyrdom awaited him. Ninoy, of course, remained in prison until he was allowed—with pressure from the Carter administration—to undergo medical treatment in Boston.

http://philippinehistory.ph/tag/communist-party-of-the-philippines/
Sa Metro Manila, ipinakita ang lakas ng mga samahang masa nang isama sa tiket ng LABAN na pinangunahan ni Sen. Aquino ang mga kinikilalang lider noon ng mga samahang ito – si Alex Boncayao sa mga manggagawa, si Trining Herrera sa mga maralitang tagalungsod at si Jerry Barican sa mga kabataan-estudyante.

http://www.philippinerevolution.net/cgi-bin/kultura/ulos.pl?issue=20020501;article=18
Sa isyung ito ng Ulos, bibigyan natin ng pagkilala at mataas na pagpapahalaga ang mga bagong martir na ito. Ang mga ito ay sina Ka Bert Olalia, Ka Lando Olalia, si Ka Tatang o Ceferino Lacara, Edgar Jopson, Liza Balando at Alex Boncayao.

http://www.ssc.edu.ph/sscweb/news2009/090825%20SSC%20and%20its%20role%20in%20Women%20Leadership.html
(a) St. Scholastica’s College also became the venue for historic social events. The miting de avance of Laban for seats in the Batasang Pambansa was held at the school’s Social Hall. Among the opposition candidates against the Kilusang Bagong Lipunan (KBL) were Aquilino Pimentel, Charito Planas, Jerry Barican, Reuben Canoy, Homobono Adaza, Alex Boncayao, Teofisto Guingona and Benigno Aquino represented by Kris Aquino.

http://www.gabrielawomensparty.net/news/press/ka-satur-ocampo-liza-maza-run-senate-independents-declare-breakdown-talks-np
The last time the Left fielded candidates for the senate was in 1987 under the Partido ng Bayan (PnB or Party of the People). Among the senatorial candidates they fielded were ex-political detainee Nelia Sancho, labor leader Alex Boncayao, urban poor leader Trining Herrera, ex-detainee and former NDF spokesperson Horacio “Boy” Morales, human rights lawyer Romeo Capulong and opposition leader Charito Planas.

http://www.asienhaus.de/public/archiv/revised%20presentation %20Eric.pdf
The Laban slate was headed by Ninoy Aquino, who campaigned from prison, and included a then relatively unknown labor leader, Alex Boncayao (later assassinated), and urban poor leader Trining Herrera (later detained and heavily tortured). The Kilusang Bagong Lipunan (New Society Movement) was headed by Imelda Marcos.

http://filipinovoices.com/the-ordeal-of-melissa-roxas
The NPA Sparrows actual unit was the Alex Boncayao Brigade, (named after) a labor leader liquidated by suspected military elements.

http://guilliam.tripod.com/thesis/thesis.htm
The leaders of militant unions were subjected to incessant harassment. Ignacio Lacsina, for example, was released only on condition that he would retire from the trade union movement. The aging but dauntless Felixberto Olalia was in and out prison. Crispin Beltran was forced to go underground after escaping from a detention center and Alex Boncayao was slain, supposedly in an armed encounter. (Javate - de Dios, 1988: p. 137)

From the book Encyclopedia of modern worldwide extremists and extremist groups - by Stephen E. Atkins
- page 13 - This group is named after Alex Boncayao, a Philippine labor leader in the New Peoples Army (NPA) who was killed by the Philippine Army in 1983 in an engagement in Nueva Ecija province.

People’s Power in Asia: Lessons and Prospects - The Philippine Experience, by Fr. Jose “Baggy” Bagadiong, SVD
Laban was a coalition, it included three candidates identified or had ties with the NDF. Among the three was labor leader Alex Boncayao. As expected the April 1978 elections were fraudulent and this triggered the Metro Manila wide noise-barrage that was just short of a people’s uprising.

http://www.philippinerevolution.net/cgi-bin/kultura/ulos.pl?issue=20020501;article=25
Ulos: Mayo 1, 2002, Ngayon at hanggang bukang liwayway
Sanaysay - Alex Boncayao: Obrero ng Pakikibakang Armado

Si Alex Boncayao ay tubong Agos, Bato, Camarines Sur. Mula sa uring magsasaka, namulat siya sa karukhaan ng atrasado’t pyudal na pamumuhay sa kanayunan. Nilisan niya ang pinagmulang bayan sa pangarap na makapagtapos ng kolehiyo sa Maynila. Pagtuntong ng syudad, humagilap ng iba’t ibang trabaho. Siya ay naging tricycle driver, dyanitor at nang huli ay naging assistant chemist ng Solid Mills.

Ikalawang hati ng dekada 1970, panahon ng batas militar, siya ay naging tagapangulo ng militanteng unyon ng Solid Mills. Pinangunahan niya ang mga sama-samang pagkilos at welga ng mga manggagawa ng Solid Mills noong 1976-1977. Noong 1975-76, isa si Alex sa mga responsableng pinuno ng unang Bukluran ng Manggagawang Pilipino (BMP) na namuno sa militanteng kilusang manggagawa upang hamunin at tutulan ang pananalasa ng rehimeng US-Marcos.

Kasama sina dating senador Benigno Aquino Jr., Tumakbo siyang kandidato sa ilalim ng unang Lakas ng Bayan (LABAN) noong 1978 sa Interim Batasang Pambansa (IBP). Ngunit dahil sa lantaran at malawakang dayaan sa halalan at paghuhuli ng diktadura sa mga kandidato ng LABAN, nagpasyang mag-andergrawnd si Alex. Iniwan niya ang kalunsuran upang muling tumungo sa kanayunan. Ngunit sa pagkakataong ito, ay para lumahok sa armadong pakikibaka. Sa Nueva Ecija, sumapi si Alex sa Bagong Hukbong Bayan at nag-organisa ng mga magsasaka.

Ika-19 ng Hunyo 1983, sa piling ng masang magsasaka, pinatay si Alex Boncayao ng mga pasista. Pumanaw man siya, hindi kailanman maglalaho ang alaala sa kanya at sa kanyang mga makabuluhang ambag sa kilusang paggawa at sa buong rebolusyonaryong kilusan. Alex Boncayao, isang tunay na anak ng bayan. Isang tunay na rebolusyonaryong martir.

Mga Demonyo sa Timog

MGA DEMONYO SA TIMOG
(sa ikaanim na buwan ng masaker sa Maguindanao)
ni Gregorio V. Bituin Jr.
10 pantig bawat taludtod

sa lambak na malayo't masukal
nilikha nila'y karumal-dumal
higit sa karaniwang pusakal
pulutong sila ng mga hangal
silang kawan ng mga kriminal

limampu't pito yaong sibilyan
walang malay sa kasasapitan
ang tinambangan nila sa daan
pinwersang dalhin sa kadawagan
doon ay walang awang pinaslang

nangamoy pulbura yaong lambak
kapwa tao'y kanilang hinamak
puri'y nilugso, dangal niyurak
kayraming buhay sadyang winasak
pagkatao'y dinala sa lusak

ang pag-atake nila'y planado
may hukay na't ginamit ang backhoe
upang ilibing ang mga tao
tunay ngang sila'y mga demonyo
nang Maguindanao, ginawang impyerno

bangkay ng mga tao'y nilasog
at sa tama ng bala'y binusog
nitong mga demonyo sa timog
kaya buong bayan ay nangatog
poot ng bayan, biglang kumuyog

matatawag pa ba silang tao
hindi, di nga, di lang sila gago
lalong di lang sila tarantado
sila'y mga demonyo, demonyo
walang dangal, walang pagkatao