Huwebes, Disyembre 24, 2009

Puno't Palakol

PUNO'T PALAKOL
ni greg bituin jr.
12 pantig

Mga puno'y kanilang pinapalakol
Silang sa buhay ng puno'y humahatol
Para tumubo'y kanilang pinuputol
Silang yaong utak ay tila ba gamol
Sana, palakol nila'y pumurol

Hanging Kainis

HANGING KAINIS
ni greg bituin jr.
10 pantig

Hangin noon kaysarap, kaylinis
Lalo't naroon ka sa may libis
Ngunit ngayon ikaw'y maiinis
Pagkat dumi ng hangin ay labis