Kaarawan ng Makata sa Bangkok

KAARAWAN NG MAKATA SA BANGKOK
ni Gregorio V. Bituin Jr.
11 pantig bawat taludtod

dito sa Bangkok, sa lamig ng gabi
ako'y mag-isang nagmumuni-muni

habang isang serbesa yaong tangan
nagdiriwang ng aking kaarawan

iniisip pamilya sa malayo
iniisip magandang sinusuyo

malamig ang gabi dito sa Bangkok
tangan ang serbesa'y panay ang lagok

habang daigdig pinagninilayan
climate change dito'y pinag-uusapan

mag-isa man ako ritong tumagay
sana pinuntahan dito'y tagumpay